ವಿಭಿಯ ಕಣ್ಣುಗಳು

ಕಪ್ಪೆ ಚಿಪ್ಪಲ್ಲಿ ಹನಿಯು ಮುತ್ತಾದಂತೆ ನಿಮ್ಮ ಕಣ್ಣಿನ ರೆಪ್ಪೆಯಾಗುವೆ
ರೆಕ್ಕೆ ಬಿಚ್ಚಿ ನವಿಲನ ನರ್ತನ ಮಾಡಲು ನೀವು ಅವಿತುಕೊಂಡು ಕದ್ದು ಮುಚ್ಚಿ ನೋಡುವ ಅಳಿಲಾಗುವೆ
ನಿನ್ನ ಕಣ್ಣಂಚಿನ ಕಾಡಿಗೆಯಲಿ ಮಿಂಚುತ್ತಿರುವ ಪ್ರೇಮ ಕಾಣುತ್ತಿರುವುದು ನನ್ನ ಬಿಂಬವು ನಿನ್ನ ನಯನಗಳಲ್ಲಿ
ಅಡಗಿಟ್ಟಿರುವ ಪ್ರೀತಿ ಅರಳುತ್ತಿರುವ ಕಾಳಜಿ ನೋಡಬಯಸುವೆ ನಾನು
ಕಾಡುತ್ತಿರುವುದು ನಿನ್ನ ಕಣ್ಣೋಟ ಪದೇ ಪದೇ ಬಿದ್ದರೂ ಮತ್ತೊಮ್ಮೆ ನೋಡುತ್ತಿರುವೆ ನನ್ನನ್ನೇ

ವಿಭಿಯ ನಗು

ಆಕೆ ನಗುತ್ತಿದ್ದಳು ನನ್ನನ್ನೇ ನೋಡುತ್ತಾ 
ದಿಟ್ಟಿಸುತಿದ್ದೆ ಪ್ರೀತಿಯ ಅಮಲಿನಲ್ಲಿ 
ಆ ಕಣ್ಣಲ್ಲಿ ಏನೋ ಮಿಂಚು ಏನೋ ಪ್ರೇಮ ನನ್ನೆಡೆಗೆ
ಅಪ್ಪುತ್ತಾಳೆ ಮುದ್ದಿಸುತ್ತಾಳೆ ನನ್ನನ್ನು ಕಣ್ಣಲ್ಲೇ ಕೊಲ್ಲುತ್ತಾಳೆ 
ಈ ನನ್ನ ಕೈಗಳು ತುಸು ಮುದ್ದಿಸುವಾಸೆ ಪ್ರೀತಿಯ ಹಂಬಲಕೆ 
ಅರಳಿತು ಪ್ರೀತಿ ಚಿಗುರಿತು ಜೀವ ಒಮ್ಮೊಮ್ಮೆ ಮತ್ತೊಮ್ಮೆ
ಒಂದು ಬಾರಿ ನಗು ನೋಡಲು ನನ್ನೊಮ್ಮೆ ಮತ್ತೊಮ್ಮೆ  :)

ಒಲವೊಂದು ಮೂಡಿರಲು ಕನಸಿನಲ್ಲಿ

ಸಭೆಯೊಂದು ನೆಡೆದಿರಲು ಸೃಷ್ಟಿಕರ್ತನ ಅಂಗಣದಲ್ಲಿ 
ಬಂದಿರಲು ರಾಜ ರವಿ ವರ್ಮ ತನ್ನ ಕಲಾ ಪುಂಜದೊಂದಿಗೆ 
ಬಿಡಿಸಿರಲು ಸುನಯನಳ ಕಣ್ಣುಗಳನ್ನು , ತಿದ್ದಿದನು ಆಕೆಯ ಕಾಮನಬಿಲ್ಲಿನಂತ ಉಬ್ಬುಗಳ್ಳನ್ನು 

ಬೆರಗಾದ ಸೃಷ್ಟಿಕರ್ತ , ಈ ಅಂದವಾದ ಆಕಾರಕ್ಕೆ 
ಜೀವವಿಲ್ಲವೇಕೆ ? ಯೋಚಿಸಲು 
ಕಂಡಿತು ಒಂದು ಅಮೋಘವಾದ ಅದ್ಬುತ ಜೀವವಿತ್ತೋಡನೆ 
ಕನಸಿಲ್ಲವೇಕೆ ?ಯೋಚಿಸಲು 
ಕಂಡಿತು ನೂರಾರು ಕನಸುಗಳು ಕಣ್ಣರೆಪ್ಪೆಗಳ ಅಂಚಿನಲ್ಲಿ 
ಇನಿಯನಿಲ್ಲನೇಕೆ ? ಕನಸೊಂದು ಕೇಳಿರಲು 
ಒಲವು ಮೂಡಿರಲು , ಬಯಕೆ ತೀರಿರಲು 
ಮನಸೇಂಬ ಗಾಳಿಪಟ ಹಾರಲು, ಹಾಡಲು... 

ರೆಕ್ಕೆ ತಪ್ಪಿದ ಭಾವನೆಗಳು , ಆ ಕನಸು ಮುರುಗುತ್ತಾ 
ರೆಪ್ಪೆಗಳ ದಡದಲ್ಲಿ ಭಾವನೆಯೆಂಬ ಸಾಗರದ ಭೋರ್ಗರೆತ 

ನನಸಾಗಲಿಲ್ಲವೇಕೆ ? ಸೃಷ್ಟಿಕರ್ತನಿಗೆ ಕೇಳಿರಲು 
ಕನಸು ನನ್ನದಾಗಿರಲು 
ಭಾವನೆಗಳು  ಕಾಣಸಿನದ್ದಾಗಿರಲು 
ಅರಿಯದೇ  ಮುಂದುವರಿದೆಯಾ ಓ ಕನಸೇ 
ಮತ್ತೊಮ್ಮೆ ಅಪ್ಪಳಿಸು ಒಲವೊಂದು ಕಾಯುತ್ತಿರಲು 

                                                                            -ಪುರು 

ನೆನಪುಗಳ ದೃಶ್ಯಕಾವ್ಯ

ಗರಿಗೆದರಿದ ನೆನಪುಗಳು , ದೃಶ್ಯ ಕಾವ್ಯ ರೂಪುಗೊಂಡಂತೆ 
ಹೃದಯ ಬಡಿದಂತೆ , ಮನಸ್ಸು ಏನೋ  ಹೇಳಲು ಚಡಪಡಿಸಿದಂತೆ 
ಅರಿಯದ ಭಾಷೆಯಲ್ಲಿ ಭಾವನೆಗಳು ವ್ಯಕ್ತವಾದಂತೆ 
ನೀನು ಕಡಲಾದಂತೆ , ನಿನ್ನ ಅಲೆಗಳನ್ನು ನೋಡುವ ತುಂಟ ಹುಡುಗ ನಾನಾದಂತೆ 
ಜಗವೆಲ್ಲ ಮಲಗಿದಂತೆ , ಸುಳ್ಳು ನೆಪವೊಡ್ಡಿ ನಾ ಎಚ್ಚರವಿದ್ದಂತೆ 

ಮನಸ್ಸು ಕೋಪಗೊಂಡಂತೆ , ಕಣ್ಮುಚ್ಚಲ್ಲು ಪ್ರಯತ್ನಿಸಿದಂತೆ 
ರೆಪ್ಪೆಗಳ ಅಂಚಿನಲ್ಲಿ ಹನಿಗೂಡಿದಂತೆ , ಪ್ರೀತಿಯ ಹಡಗು ಮುಳುಗಿದಂತೆ 
ಕಣ್ಮುಚ್ಚಿದರೂ ಕಾಣಿಸಿದಂತೆ, ಕಾಡಿಸಿದಂತೆ ,ಪ್ರೇಮಿಸಿದಂತೆ 
ಬಿಟ್ಟು ಹೋಗಲು ಹೇಳಿದೆಯಾ ಓ ಪ್ರೀತಿ 
ಚಿರನಿದ್ರೆಗೆ ಜಾರಿದಂತೆ ನೆನಪುಗಳ ದೃಶ್ಯಕಾವ್ಯ 

                                                                             -ಪುರು 

ಮತ್ತೆ ಮುಂಗಾರು

ಮತ್ತೆ ಮುಂಗಾರು ಬಂದಿರಲು ..
ಉಲ್ಲಾಸದಿಂದ ರೆಕ್ಕೆ ಬಿಚ್ಚಿರುವ ನವಿಲಿನ ನರ್ತನ ನಿಮ್ಮದಾಗಿರಲಿ
ಮೊಳಕೆಯೊಡೆದು ಗರಿಗೆದರಿದ ರಾಗಿಯ ಪೈರಿನ ಯವ್ವನ ನಿಮ್ಮದಾಗಿರಲಿ
ಪಸರಿಸಿದ ಹಸಿರಿನಂತೆ ನಿಮ್ಮ ನಗುವು ಆವರಿಸಲಿ
ಚಿಟ್ಟೆಗಳ ಬಣ್ಣದ ಅಹಂಕಾರದ ಸೌಂದರ್ಯ ನಿಮ್ಮದಾಗಿರಲಿ
ಸಮುದ್ರದ ರಂಗಿತರಂಗದಂತೆ ನಿಮ್ಮ ಜೀವನ ವರ್ಣಮಯವಾಗಿರಲಿ
                                         -ಪುರು 

ಬೆಳಕು

ಜಗವನ್ನೆಲ್ಲ ಮರೆವೆ ನಿನ್ನ ನೋಡುತ

ಕಷ್ಟಗಳೆಲ್ಲ ಕಾಣದಾದವು ನೀ ನಗುತ

ನಿನ್ನ ಕಣ್ಣುಗಳಲ್ಲಿ ನಾ ಕಾಣುವೆ ಈ ಸುಂದರ ಜಗತ್ತನ್ನು 

ನೀನೆ ನನ್ನ ಉಸಿರು,ನೀನೆ ನನ್ನ ಬೆಳಕು 

ನಾ ನಡೆಯುತ್ತಿರುವೆ ಕತ್ತಲಿನಿಂದ 'ಬೆಳಕಿ'ನೆಡೆಗೆ 

ರಂಗಿ ತರಂಗ ಚಿತ್ರದ ಸಾರಾಂಶ

ಬದುಕಿನ ಅಲೆ

ಕೆಳಗ್ ಬಿದ್ದಾಗ  ಭಂಗ 

ಮನಸಿನ ನೋವೆಲ್ಲ ಬಹಿರಂಗ 

ಮೇಲೆದ್ದಾಗ ಉತ್ತುಂಗ 

ನಗುವಿನ ಸಂಗ 

ಜೀವನ ಸಾವಿರ ಬಣ್ಣ ತುಂಬಿರೋ 

ರಂಗಿ ತರಂಗ